Ban da haka kuma, bisa nazarin da jaridar wasan motsa jiki ta Milan ta fitar, shugabannin kulaf din Juventus sun riga sun ba Daniele Conti wani wa'adi na karshe don ya sabunta kwangilar sa da kulaf din cikin wasu kwanaki 20 masu zuwa. Wato idan bai samu damar gama wannan aiki cikin wa'adin ba, to ba za a kulla kwangila da shi ba.
An ba da labarin cewa a lokacin bazara da ya gabata, batun ko Conti zai ci gaba da aikinsa a Juventus ko a'a, na cike da yanayi maras tabbas. Kuma tuni jaridar ta Milan ta fayyace cewa, Juventus ba ta fatan sake samun wata matsala wajen sabunta kwangila da babban kocinsa. Koda yake dai an ce akwai wasu kulaflika daban, dake da burin kulla kwangila da Conti, ciki hadda kungiyar Morocco wadda ta yi alkawarin baiwa Conti kudin Euro miliyan 6 a ko wace shekara, abin da ya baiwa shugabannin Juventus matsi sosai.
A 'yan watannin baya bayan nan da suka gabata, shugabannin Juventus suna ta kokarin nuna niyyar kulla sabuwar kwangila da Conti, amma hakan ya gagara, sakamakon gaza warware wannan batu tsakaninsu da shi Daniele Conti. (Amina)
