Sakamakon nadin na sa, sabon wakilin zai kasance jagoran ofishin yanki na MDD ko UNOCA a takaice, wanda ke da hedkwata a birnin Libreville na kasar Gabon.
A cewar mai magana da yawun MDDr Stephen Dujarric, kafin nadin sa, Bathily ya kasance mukaddashin wakili na musamman na magatakardar MDDr, dake aiki da tawagar wanzar da zaman lafiyar kasar Mali ta MINUSMA.
Yanzu haka dai Bathily zai maye gurbin Abou Moussa daga kasar Chadi, mutumin da Mr. Ban ya yi matukar yabawa irin gudummawar da ya bayar, ga ofishin na UNOCA a tsahon wa'adin aikin sa. (Saminu)
