A yau Litinin ne aka rantsar da shugaba Abdelaziz Bouteflika a karo na hudu a matsayin shugaban kasar Aljeriya kamar yadda doka ta 75 na kundin tsarin mulkin kasar ya tanada.

An rantsar da shugaban ne a fadar shugaban kasar da ke Algiers,babban birnin kasar. Wannan shi ne mataki na karshe na tsarin zaben kasar,kafin ya zama shugaban kasar a hukumance.

Tun da farko sai da shugaban ya duba faretin ban girma da sojojin kasar suka shirya masa, kana daga bisa ni manyan kusoshin kasar suka yi masa maraba.(Ibrahim)