Kungiyar Jama'atu Ahlussunnah Lidda'awati wal-Jihad, wadda aka fi sani da Boko Haram, ta dauki alhakin kai harin da ya hallaka mutane a kalla 75 tare da jikkata wasu da dama.

Wani faifan bidiyo da kungiyar ta fitar, ya nuna shugaba ta Abubakar Shekau na cewa su ne suka kai harin na tashar motar Nyanya dake wajen birnin tarayyar Najeriyar a ranar Litinin din da ta gabata.

Tun daga shekarar 2009 kawo yanzu, kungiyar ta Boko Haram na ci gaba da kasancewa babbar barazana ga tsaron rayukan al'ummar Najeriya. Ta kuma kaddamar da manyan hare-hare da dama, musamman a jahohin Borno da Adamawa da Yobe, wadanda ke arewa maso gabashin kasar.  (Saminu Hassan)