Mr. Ban wanda ya bayyana hakan cikin wata sanarwa da kakakin sa ya fitar a jiya Asabar, ya kara da cewa karuwar fadace-fadace ba zasu yiwa dukkanin bangarorin da abin ya shafa wani amfani ba.
A ranar ta Asabar ne dai aka bada rahoton cewa, wasu 'yan bindiga da ba a kaiga tantance ko su waye ba, sun kwace wani ofishin 'yan sanda a birnin Slavyansk, mai nisan kimanin kilomita 100 daga birnin Donetsk a gabashin kasar.
Jami'an tsaron yankin sun ce baya ga kwace ofishin, dakarun sun kuma kwace bindigogin 'yan sandan dake aiki a wurin.
(Saminu Alhassan)
