Hodgson ya ce Sterling mai shekaru 19 da haihuwa, na kara bayyana kwarewarsa a fagen taka leda yanzu haka a Liverpool, bayan koma baya da ya samu. Yace yadda dan wasan ke taka ya nuna alamun cewa, zai taka rawar gani a gasar cin kofin duniya dake tafe a Brazil. Kocin Ingilan ya kara da cewa, ba zai manta da irin rawar da wannan dan wasa ya taka, yayin gasar cin kofin 'yan kasa da shekaru 21, da kasar sa ta buga da Scotland a bazarar shekarar da ta gabata ba, inda dan wasan ya taka kyakkyawar rawar da ta dace.
Hodgson ya yi fatan abinda ake gani yanzu haka daga matashin dan wasan, zai dore yayin wasannin gasar cin kofin duniya da Ingilan za ta buga a Brazil.(Saminu Alhassan Usman)
