Shugaban kasar Guinea Alpha Conde ya sa hannu kan kudurin sake nada Mohamed Said Fofana a matsayin sabon firaministan kasar a ranar Asabar 18 ga wata , tare da kafa wata sabuwar gwamnati a kasar ta Guinea.

Tun lokacin da Alpha Conde ya zama zababben shugaba na farko a tarihin kasar Guinea a karshen shekarar 2010, ya taba nada Fofana a matsayin firaminista.

Mohamed Fofana mai shekaru 62 a duniya, ya kasance wani shahararren masani a fannin tattalin arziki na kasar Guinea, wanda ya taba aiki a ma'aikatar kasuwanci, da sauran sassan gwamnatin kasar Guinea daban daban. Kuma zai gabatar da sabbin sunayen ministocin da yake son nadawa idan shugaba Conde ya amince da su a 'yan kwanaki masu zuwa. (Bello Wang)