A ranar 24 ga wata, a nan birnin Beijing, direktan cibiyar nazarin manufofin kiyaye muhalli da tattalin arziki na ma'aikatar kiyaye muhalli ta kasar Sin Xia Guang ya bayyana cewa, tun daga shekarar 2008, ma'aikatar kiyaye muhalli ta kasar Sin ta ki amincewa da gudanar da ayyuka 332 da darajarsu ta kai kudin Sin RMB biliyan 1100, wadanda ke gurbata muhalli, da yin amfani da makamashi fiye da kima.

Xia Guang ya ce, halin da kasar Sin ke ciki wajen kiyaye muhalli yana inganta, amma ana fuskantar matsanacin hali game da ingancin ruwa, da na teku, gami da na iska. Ya jaddada cewa, ya kamata a kara kyautata batun kiyaye muhalli a kasar Sin.

Game da matsalar da kasar Sin ke fuskanta a kasar, a gun cikakken zaman taro na 3 na kwamitin tsakiya na jam'iyyar kwaminis ta kasar Sin karo na 18 da aka kammala a watan jiya, an fidda sabuwar manufar kiyaye muhalli mai tsauri, ta yadda za a kiyaye muhallin halittu a kasar.(Bako)