Kwamitin sulhu na MDD ya fidda wata sanarwa ga kafofin watsa labarai, wadda ke kunshe da nuna matukar damuwa, ga tabarbarewar yanayin tsaro a kasar Sudan ta Kudu, tare da suka mai tsanani kan hare-haren da aka kai wa sojojin kiyaye zaman lafiyar majalissar da ma jama'ar kasa.

Sanarwar ta kuma yi kira ga bangarorin mabanbanta dake kasar, da su dakatar da rura wutar rikici, su kuma rungumi shawarwari a matsayin hanyar warware rikicin dake addabar kasar.

Bisa rahoton baya bayan nan da ya fito daga ofishin kakakin MDDr, an ce a ranar 19 ga wata, an kai wani hari sansanin rundunar musamman ta MDD dake kasar Sudan ta Kudu, harin da ya haddasa mutuwar fararen hula a kalla 11. Sabanin mutane 20 da a baya aka ce sun rasu sakamakon farmakin. (Maryam)