A ranar 18 ga wata, kakakin ma'aikatar harkokin wajen kasar Amurka Marie Harf ta bayyana cewa, Amurka ta riga ta debe rukunoni 3 na a'lummar ta dake kasar Sudan ta Kudu, kuma tana tattauna rikicin da ke ci gaba da tsananta a kasar tare da shugaban kasar Salva Kiir Mayardit.

Harf ta fidda wata sanarwa, dake cewa ma'aikatar tsaron Amurkan ta tura jiragen sama kirar C-130 guda 2, da wani jirgin saman musamman guda daya, don debo jami'an diplomasiyyarta dake kasar, da ma sauran jama'ar ta da jama'ar wasu kasashen duniya ma. Har ila yau, Amurka na ci gaba da kira ga jama'arta da ke Sudan ta Kudun, da su bar kasar tare da alkawarta karin jigilar jama'arta idan har akwai bukatar hakan.(Bako)