Ya ce tawagar za ta cigaba da sa ido sosai da fatan ayyukan tsaro zai daidaita cikin sauri domin fararen hula su koma gidajen su.
Tawagar ta tabbatar da cewa, dubban al'umma sun nemi mafaka a harabar ofishin UNMISS dake daura da filin tashi da daukar jiragen sama da kuma ofishin majalissar dake Jebel Kujur tun lokacin da fada ya barke a daren Lahadi, kuma mafi yawan wadanda suka fake a nan mata ne da yara kanana.
Yanzu haka, ma'aikatan wanzar da zaman lafiya na tawagar na cigaba da samar da ruwan sha da magunguna ga dubban wadanda suka tsere don neman mafaka a ofishin su a wuraren guda biyu. (Fatimah)
