A ranar 9 ga wata, kungiyar kare ikon mallakar fasaha ta duniya, ta fidda wani rahoto, wanda ya bayyana cewa a shekarar 2012, adadin shaidar ikon mallakar fasaha ta duniya da aka nema, ya karu da kashi 9.2 cikin 100, yayin da adadin da aka samu ya zamo mafi sauri a cikin shekaru 18 da suka gabata, cikin hadda adadin shaidar da aka nema daga hukumar kula da kare ikon mallakar fasaha ta kasar Sin, da ta kasance kan gaba wajen ba da babbar gudummawa a wannan fage.

Ma'aunin kare ikon mallakar fasaha ta duniya na shekarar 2013 ya nuna cewa, a shekarar 2012 yawan shaidar ikon mallakar fasaha da aka nema a duniya a wannan shekara ya kai kimanin dubu 2350.

Har ila yau hukumar kare ikon mallakar fasaha ta kasar Sin ta samu rokon neman shaidar, da yawansu ya kai dubu 653 a bana kadai, wanda hakan ya nuna karuwar adadin da kashi 24 cikin 100 bisa na bara, yawan karuwar ya kai matsayi na farko a duniya baki daya.

A shekarar 2012, yawan shaidar ikon mallakar fasaha da Sinawa suka nema ya kai dubu 561, adadin da ya kai matsayi na farko a duniya. Bisa rahoton da aka bayar, an ce a cikin kasashen da ke da matsakaitan kudin shiga, kasashen Sin da India ne kawai suke cikin jerin kasashe 20 na farko, a neman shaidar ikon mallakar fasaha.(Bako)