Wani rahoton nazari kan tattalin arziki,da kungiyar hadin gwiwar tattalin arziki da samun bunkasuwa ta duniya ko OECD da hedkwatarta a birnin Paris ta fitar,ya bayyana cewa yayin da makomar samun karuwar tattalin arziki ta akasarin kasashe masu wadata ke samun kyautatuwa, a hannu guda tattalin arzikin kasar Sin zai iya samun karuwa.

Haka kuma, ma'aunin tattalin arzikin manyan kasashen G7, wato kasashen Amurka, da Birtaniya, da Jamus, da Faransa, da Canada, da Italy, da Japan, shi ma ya samu karuwa har tsahon watanni 6 a jere.

Rahoton ya kuma bayyana cewa, saurin karuwar tattalin arzikin kasashen Asiya guda 5, ciki har da kasashen Sin, da India, da Koriya ta Kudu, da Japan da Indonesiya, ya samu farfadowa har i zuwa mataki na matsaikacin saurin karuwar tattalin arziki.(Bako)