Ran 31 ga watan Oktoba, kakakin rundunar sojan kasar Niger ya tabbatar da cewa, an gano gawawwakin 'yan ci ranin kasar Niger su 87 da kishin ruwa ya kashe, a yankin iyakar da ke tsakanin Niger da Algeria, wadanda yawancinsu mata ne da yara.

Bisa labarin da aka samu, an ce a farkon watan Satumbar wannan shekara ne, wadannan 'yan ci rani suka tashi tashe daga birnin Arlit da ke da nisan kilomita 150 daga yankin iyakar Niger da Algeria, suka keta cikin hamadar da ke tsakanin kasashen biyu, domin kaucewa tashoshin binciken jami'an tsaro. Amma, sakamakon lalacewar motocinsu guda biyu, dukkansu suka rasa rayukansu cikin hamada, ciki hada da mata 32, da yara kanana 48. Bugu da kari, bisa bayanin da kasar Niger ta bayar, an ce, da ma dai rundunar sojan kasar ta taba gano gawawwaki guda 5 a wannan yanki, wadanda su ma 'yan ci rani ne. (Maryam)