A ranar Litinin 28 ga wata, mataimakin shugaban kasar Sin Li Yuanchao ya jagoranci taron kwamitin kula da harkoki tsakanin Sin da Afirka ta Kudu karo na biyar tare da takwaransa na Afirka ta Kudu Kgalema Motlanthe a nan birnin Beijing inda suka yi shawarwari kan yadda za a zurfafa hakikanin hadin gwiwa tsakaninsu, tare da cimma matsaya daya.

Kafin taron, Mataimakan Shuagabannin kasashen biyu sun kira tarurrukan kananan kwamitoci kan diplomasiyya, tattalin arziki da cinikayya, kimiya da fasaha, ma'adinai, da kuma makamashi.

A yammacin wannan rana, har ila yau, Mr Li ya shirya bikin maraba ga takwaranasa mista Motlanthe, sannan daga baya su biyu suka halarci bikin sa hannu kan yarjejeniyoyi a fannonin yawon shakatawa, harkokin gwamnati da dai sauransu tsakanin kasashen biyu.(Fatima)