A gun taron manema labaru da aka gudanar a yau Alhamis 24 ga wata, kakakin ma'aikatar kula da harkokin masana'antu da sadarwa ta kasar Sin Xiao Chunquan ya bayyana cewa, an samu bunkasuwar masana'antu yadda ya kamata a farkon watanni 9 na shekarar bana a kasar Sin, kuma za a cimma burin da aka tsara a farkon bana wato yawan kudin da ake fatan samu daga masana'antu na Sin a bana zai karu da kashi 10 cikin kashi dari, amma akwai wasu matsaloli da ake fuskanta kamar bukatu marasa amfani, abubuwan da aka samar suna yawa, fuskantar mawuyacin hali a wasu kamfanoni da dai sauransu.

Bayan da aka samu raguwar saurin bunkasuwar masana'antu a farkon rabin shekarar bana, an fara samun karuwar hakan tun daga watan Yuli zuwa Satumba. Bisa kididdigar da hukumar kididdiga ta kasar Sin ta yi, an ce, yawan GDP daga Yuli zuwa Satumba na kasar Sin ya karu da kashi 7.8 cikin kashi dari, wanda ya karu da kashi 0.2 cikin kashi dari bisa na farkon rabin shekarar bana. Kana yawan kudin da aka samu daga masana'antu a watanni 9 na farkon shekarar bana ya karu da kashi 9.6 cikin kashi dari bisa na makamancin lokacin bara.

Xiao Chunquan ya yi nazari cewa, an fara samun karuwar ce a madadin raguwa a fannin masana'antu, wannan ya bayyana cewa, ana samun bunkasuwa a bangaren masana'antun yadda ya kamata. (Zainab)