Rahotanni daga jihar Nasarawa a Tarayyar Nigeriya na nuna cewa akalla mutane 31 ne suka mutu a wani fadan kabilanci da ya barke, kamar yadda mahukunta suka tabbatar a ranar jumma'an nan.

Gwamnan Jihar Alhaji Umaru Tanko Al-Makura wanda ya tabbatar da hakan ga manema labarai yace fadan bayan asarar rayuka da gidaje sama da 1,300 da ya janyo ya kuma kawo rashin kwanciyar hankali a tsakanin al'ummomin Eggon da Alago.

Fadan dai ya barke ne a ranar juma'ar data gabata har kashegarin asabar inda ya shafi yankunan Assakio dake karamar hukumar lafiya da kuma babban garin karamar hukumar Obi.(Fatimah Jibril)