A ranar Litinin 16 ga wata, kakakin ma'aikatar harkokin waje ta Sin, Hong Lei ya bayyana a gun taron manema labaru da aka shirya a nan birnin Beijing cewa, kamata ya yi a sa kaimi ga yunkurin daidaita batun Syria a siyasance tare da lalata makamai masu guba, a kokarin daidaita wannan batu a karkashin kulawar MDD tun cikin lokaci.

Kafin wannan kuma, ministocin harkokin waje na Amurka da Rasha sun daddale yarjejeniyar daidaita batun makamai masu guba na Syria a Geneva. Mr Hong wanda ya fadi haka lokacin da yake amsa tambayoyin manema labarai.

Ya ce, Sin na maraba da yarjejeniyar da Amurka da Rasha suka daddale a kan wannan batu, da fatan za a tabbatar da gudanar da hakan yadda ya kamata. Bugu da kari in ji shi, Sin na kira da a tsagaita bude wuta a Syria, a kokarin samar da yanayi mai kyau wajen fara lalata makamai masu guba da kiran taron duniya karo na biyu na Geneva tun cikin lokaci.(Fatima)