A ranar Litini 26 ga wata ne, ma'aikatar kula da harkokin wajen kasar Sin ta shirya wani karamin taron manema labaru, inda ta gayyaci kakakin hukumar kula da kididdiga ta kasar Sin Sheng Laiyun don ya yi wa manema labaru bayani game da yanayin tattalin arzikin karshen rabin shekarar bana, da basusukan da kananan hukumomin kasar Sin suke bi.
Kakakin hukumar kididdiga ta kasar Sin Sheng Laiyun ya bayyana cewa, idan aka cimma burin aiwatar da manufofin da gwamnatin Sin ta tsara, za a gudanar da aikin raya tattalin arziki na karshen rabin shekarar bana yadda ya kamata, don cimma burin samun bunkasuwa kamar yadda aka tsara. Duk da cewa, yawan alkaluman tattalin arziki da aka samu a bana bai yi kyau sosai ba kamar na baya, amma gwamnatin Sin na da imani sosai game da cimma burin samun karuwar tattalin arziki da yawansa zai kai kashi 7.5 cikin 100. (Bako)
