Bisa labarin da aka samu daga jaridar tattalin arziki ta rana-rana ta nan kasar Sin, an ce, kwanan baya an bude taron tattaunawar hadin gwiwar kimiyya da fasaha, na cibiyar kula da harkokin kimiyya ta Sin da jihar Xinjiang karo na bakwai, a yankin kimiyya da fasahar ayyukan noman kasar da ke birnin Changji na jihar. Tuni dai aka fidda shirye-shiryen hadin gwiwar kimiyya da fasaha sama da dubu 1 a yayin wannan taro.

Gwamnatin jihar Xinjiang ta kabilar Uygur mai cin gashin kanta, da cibiyar binciken kimiyya ta Sin, da kuma kungiyar habaka ayyukan gona ta jihar Xinjiang, sun gudanar da taron tattaunawa na tsawon kwanaki uku, bisa tushen yin shawarwari da hadin gwiwa, da raya jihar Xinjiang ta hanyoyin kimiyya da fasaha, da kuma neman sabbin hanyoyi gina jihar ta Xinjiang.

Wakilai fiye da dubu daya da dari shida da suka zo daga kamfanoni 41 na cibiyar kula da harkokin kimiyya ta Sin, da birane da kuma larduna guda 11 na babban yankin kasa, da birane na jihar Xinjiang, da kuma jami'o'i, da hukumomin binciken kimiyya, da kamfanonin zamani da abin ya shafa sun hallarci taron. (Maryam).