Bisa labarin da kamfanin dillancin labaru na Ghana ya bayar, an ce, kwanan baya, majalisar dokokin kasar ta zartas da gyararriyar doka, game da batun saka jari a kasar, don maye gurbin makamanciyarta da aka zartas a shekarar 1994.
Idan aka kwatanta tsohuwar dokar saka jarin da ta yanzu, gyararriyar dokar ta daga matsayin yawan jarin da kamfanoni masu saka jari za su iya mallaka, kafin su shiga kananan kasuwannin kasar, inda aka baiwa kamfanoni masu zaman kansu da ke da niyyar shiga kananan kasuwannin kasar damar yin rajistar muddin jarinsu ya kai dalar Amurka miliyan guda, maimakon dubu 300 da a da aka amince da shi.(Bako)
