Ran 22 ga wata, an sa hannu kan yarjejeniyoyin sayan jiragen sama samfurin Xinzhou na Sin gaba daya guda 50 tare da wasu kamfanonin kasar Sin guda hudu a nan birnin Beijing. Wannan shi ne karo mafi girma na sayar da jiragen saman tun lokacin da aka fara samun jiragen a kasuwannin Sin a shekarar 2004.

Bisa labarin da aka samu, ya zuwa yanzu, an riga an sayar da jiragen saman Xinzhou kirar 60/600 sama da dari biyu, kuma sha biyar daga cikinsu na amfani da su a kasar Sin, sauran a wasu kasashen Asiya, Afirka da kuma Latin Amurka.

Wani jami'in kamfanin masana'antun jiragen saman kasar Sin ya bayyana cewa, jiragen sama samfurin Xinzhou da kasar Sin ta kera da kanta na samun karbuwa a wasu kasuwannin zirga-zirgar jiragen sama na gajeren zango a duniya. (Maryam)