Ya zuwa ranar 30 ga watan Yuni, an rattaba hannu game da yarjeniyoyin hadin gwiwar tattalin arziki da cinikayya da yawansu ya kai 229 a gun bikin baje-kolin kayayyaki karo na 9 na yankunan tsakiya da kuma kudancin Asiya da aka yi a birnin Kashgar da ke jihar Xinjiang a kasar Sin, bikin da aka shafe kwanaki 3 ana gudanarwa, yawan kudaden yarjejeniyar da aka daddale ya wuce kudin Sin biliyan 40.

Birnin Kashgar yana wani muhimmin wuri a yankin kudancin jihar Xinjiang, wanda ke makwabtaka da kasashe da dama da ke yankunan tsakiya da kudancin Asiya, kuma yana da hukumomin kwastam guda 5 don bude kofa ga kasashen waje.

Bikin baje-kolin kayayyakin Kashgar ya zamanto wani muhimmin biki da ya gudana ne har sau 9, a wannan shekara kuma, an jawo hankalin 'yan kasuwa na kasashe 8 da ke makwabtaka da jihar Xinjiang, ciki har da Pakistan da Tajikistan da kyrgyzstan, da kuma 'yan kasuwa da suka fito daga larduna da jihohi daban daban na gida, don su halarci bikin.

A cikin shekaru 3 da suka gabata, yawan kudin da aka samu a birnin Kashgar wajen aikin samar da kayayyaki ya wuce kudin Sin Yuan biliyan 50, kuma matsakaicin saurin karuwa da aka samu ya kai kashi 16.6 cikin 100 a kowace shekara.(Bako)