Zaunannen memban kwamitin birnin Turpan kuma mataimakin magajin birnin Lu Chunjing ya bayyana a ranar 30 ga wata a birnin cewa, harin da aka kai wa gundumar Shanshan a kwanakin baya ya kawo illa ga tattalin arziki da zamantakewar al'umma da rayuwar jama'a a birnin na Turpan, kuma daukacin jama'ar birnin da kabilu daban daban sun nuna takaici tare da yin Allah wadai da wannan hari.

Lu Chunjing ya bayyana cewa, gwamnatin birnin Turpan ta dauki matakai, da daidaita matsalolin da aka samu a sakamakon harin yayin da ake ci gaba da bunkasa tattalin arziki. Ya yi imani da cewa, a karkashin jagorancin kwamitin jam'iyyar kwaminis ta jihar Xinjiang mai zaman kanta, goyon baya da jama'a daga kabilu daban daban da kuma ayyukan hada kai a tsakanin kabilu, za a farfado da bunkasuwar tattalin arziki cikin hanzari, musamman ma sha'anin yawon shakatawa a birnin na Turpan. (Zainab)