A ranar Litinin 17 ga wata, mutane sama da dubu daya da aka yiwa illa bayan babban zaben kasar Cote d'Ivoire da aka yi a watan Nuwamba na shekarar 2010, sun yi zanga-zanga a birnin Abidjan, hedkwatar kasar a fannin tattalin arziki, domin nuna kin amincewa da kudurin da kotun manyan laiffuka ta duniya ta zartas cewa, ba za ta yanke hukuci na karshe kan tsohon shugaban kasar Laurent Gbagbo ba sai bayan an kara ba da shaidu.

A safiyar wannan rana, mutanen sun taru a gaban hukumar yanke shari'a ta yankin Prado. Wasu masu zanga-zanga sun sa rigar da aka rubuta "Mutumin da a kaiwa lahani bayan babban zabe", wasu kuma sun daga kyalaye da aka rubuta kalmomi cewa, "Ko kotun manyan laiffukan duniya tana cin hanci da rashawa?", "Kotun manyan laiffukan duniya, ko za mu iya amincewa da ke?", "Ko za a daidaita batun Gbagbo a siyasance?" da dai makamantansu.

A ran 3 ga wata, alkalan kotun manyan laiffukan duniya sun bayyana cewa, shaidun da masu gabatar da kararraki suka bayar ba su isa ba wajen yanke hukunci ga Laurent Gbagbo. Shi ya sa suka bukaci a kara ba da shaida ko kara yin bincike kan wannan batu.(Fatima)