Yanzu haka sojojin Niger din nan da aka yi garkuwa da su,suna tsare ne a wani gida a kusa da barikin soja na Agadez da ke arewacin kasar.

Ministan cikin gida na Jamhuriyar Niger Abdou Labo ya bayyana cewa, dan kunar bakin waken ya kulle kansa a cikin gidan da ke kusa da barikin sojan na Agadez tare da matasan sojojin da aka yi garkuwa da su.

Wata majiyar soja ta bayyana cewa,an yi wa gidan kawanya kuma an dauki matakan da suka dace don ganin an kama dan kunar bakin waken tare da kwato sojojin da ake garkuwar da su.(Ibrahim)