A ranar Alhamis, shugaban kasar Faransa, Francoise Hollande ya yi maraba da zuwan tsohon sakatare janar na MDD Kofi Annan a fadar Elysee, don tattaunawa dangane da yanayin da ake ciki a kasar Mali da kuma ayyukan kafa zaman lafiya da MDD ke yi a kasar ta yammacin Afirka.
A yayin ganawar, shugaban ya tabo batun taron kasa da kasa dangane da halin da ake ciki a Mali, wanda kuma shi ne zai zamo shugaban taro na biyu, tare da shugaban rikon kwarya na kasar Mali da kuma shugaban hukumar gudanar da kungiyar tarayyar Turai, wanda aka shirya gabatarwa ran 15 ga watan Mayu a Brussels, in ji wata sanarwar da ta fito daga ofishin shugaba Hollande.
Haka zalika, shugaba Hollande da Annan sun kuma yi musayar ra'ayi dangane da batun yaki da safarar miyagun kwayoyi, wanda ke barazana ga tsaro da dorewar yankin yammacin Afirka.(Lami)
