Ranar 20 ga wata da dare, a gundumar Lushan ta birnin Ya'an a lardin Sichuan na kasar Sin, Li Keqiang, firaministan kasar ya ci gaba da tsara ayyukan rage radadin bala'in girgizar kasar da ta auku a wurin, inda ya jaddada cewa, yanzu aiki mafi muhimmanci da ake yi a lardin na Sichuan shi ne rage radadin bala'in da ya auka wa yankin, tare da ceton rayukan mutane.
Mista Li ya kara da cewa, wajibi ne a ba wa wadanda suka jikkata jinya yadda ya kamata, a kai wadanda suka ji munanan raunuka asibitocin da ke wuraren da bala'in bai shafa ba cikin gaggawa, a kokarin rage yawan mutuwar mutane da yawan wadanda za su nakasa sakamakon bala'in.
Ya zuwa ranar 21 ga wata da karfe 9 da rabi na safe, mutane 179 suka rasa rayukansu sakamakon girgizar kasar, ciki har da 164 a birnin na Ya'an.(Tasallah)
