A ranar 8 ga wata da yamma, an rufe taron tattaunawar shekara-shekara na Boao na kasashen Asiya a lardin Hainan da ke kasar Sin. Taken taron na wannan karo shi ne "Yin gyare-gyare da daukar alhaki, gami da yin hadin gwiwa, don kasashen Asiya su samu bunkasuwa tare". Akwai tarurruka 54 da ke kunshe cikin taron, inda aka tattauna batutuwan da suka shafi diplomasiyya, dangantakar kasa da kasa, manyan tsare-tsare na duniya, da kuma tabbatar da tsaro a shiyya-shiyya. Shugaban kasar Sin Xi Jinping ya halarci bikin bude taron, inda ya yi jawabi da ke da taken "Yin kokarin samar da makoma mai haske a Asiya da ma duniya baki daya.

Sakatare janar na taron tattaunawar Zhou Wenzhong ya bayyana cewa, taron ya jawo hankalin kasashen Asiya sosai musamman ma 'yan kasuwa na nahiyar, hakan ya sa shugabannin kasashen duniya, da 'yan kasuwa da kwararru, da manema labaru fiye da 2000 sun halarci taron. Mr. Zhou ya ci gaba da cewa, a yayin taron, wakilai mahalartar taron sun cimma daidaito a fannonin da aka dora muhimmanci sosai a kai, bisa taken taron, hakan an aza hasashe mai kyau wajen inganta hadin gwiwa da ke tsakaninsu.

Mahalartar taron da dama sun bayyana cewa, raya kasashen Asiya da suke amincewar juna da hadin gwiwarsu cikin aminci don samun bunkasuwa tare, ba ma kawai ya dace da moriyar kasashen Asiya tare, hatta ma zai taimaka wajen farfado da tattalin arziki na duniya da raya tsarin siyasa a tsakanin kasa da kasa yadda ya kamata.(Bako)