A shekarar 2012 ne, sashin Hausa na Radio kasar Sin karkashin jagorancin shugaba malam Sunusi chan suka bada zarafi ga malam Murtala Zhang Weiwei ya wakilci cri Hausa a birnin Abuja, taraiyar Nigeria. Dud da cewar, malam Murtala ya maida gurbin Malam Danladi a karon farko kuma zuwan malam Murtala wata kasar Afirka a karon farko, amma malam Murtala ya fara aika wa cri Hausa rahoto kai tsaye daga birnin Abuja, ba tare da wata matsala ko aikata wani laifi ko kuskure ba. Babu shakka, mun gamsu da yadda malam Murtala Zhang yake gudanar da aikinsa a matsayinsa na wakilin cri Hausa a birnin, Abuja, Nigeria inda malam Murtala ya iya yin mu'amula da mu masu sauraro tare da maida hankali sosai ga aikinsa na aika wa sashin Hausa na Radiyon kasar Sin rahotanni masu ma'ana da sahihanci kana malam Murtala Zhang ya taimaka sosai wajen daga martaba kima da tagomashin cri Hausa a duniyar masu sauraro. Haka nan, ya yi kokari tukuru ainun wajen kara sanar da masu sauraro muhimmancin sauraron shirye-shiryen cri Hausa ta kafufin sada zumunta na facebook inda hakan ya janyo hankali wasu sabbin masu sauraro zuwa ga shirye-shiryen cri Hausa. Dud da cewar, malam Murtala Zhang na gab da kammala wadinsa a matsayin wakilin sashin Hausa na Cri Hausa a taraiyar Nigeria nan da karshen shekara ta 2015, amma mu masu sauraro za mu kara sada zumunci da malam Murtala Zhang da kuma cri Hausa baki daya, da fatan duk kuna nan lafiya, amin. Haka nan, muna kira ga jagoran cri Hausa malam Sunusi Chan da ya kara wa malam Murtala Zhang wani wa'adin shekaru 3 masu zuwa nan kadan wato daga 2015-2018.

Daga Alhaji Ali kiraji Gashua.