Hukumar kula da bakin haure ta kasa da kasa IOM ta sanar cewa, an mayar da bakin haure 111 zuwa kasarsu ta Mali daga kasar Libya wadanda suka mika kansu a makon jiya.

Kawo yanzu, sama da bakin haure 800 ne suka amince a mayar da su zuwa kasashensu na asali daga kasar Libya karkashin shirin mayar da bakin hauren da suka mika kansu zuwa kasashensu a wannan shekarar.

Libya ta kasance a matsayin wata matattarar dubban bakin haure dake neman tsallaka tekun Mediterranea zuwa kasashen Turai.

A cewar hukumar IOM, a shekarar 2021, jimillar bakin haure 32,425 aka ceto kuma aka mayar da su Libya, yayin da wasu 662 sun mutu, kana wasu 891 sun bace a tekun Libya a babbar hanyar tekun Mediterranea. (Ahmad)