Jami’ai da kwararrun masanan Afrika sun aza ayar tambaya game da makomar tattalin arziki da ci gaban nahiyar kasancewar mafi yawan al’ummun kasashen Afrikan har yanzu ba su samu alluran riga-kafin COVID-19 ba.

Hukumar kula da tattalin arzikin Afrika ta MDD ECA, ta bayyana cewa, wannan tsokaci na zuwa ne a daidai lokacin wallafa sabbin bayanan tattaunawa game da farfadowar Afrika.

A yayin da take jagorantar tattaunawar ta baya bayan nan, babbar sakatariyar hukumar ECA, Vera Songwe, ta ce abin da zai jagoranci makomar ci gaban tattalin arzikin Afrika shi ne riga-kafin COVID-19.

Kawo yanzu, kashi 2.3 bisa 100 na al’ummar Afrika mai yawan mutane biliyan 1.3 ne aka yiwa riga-kafin, yayin da hukumar dakile cutuka masu yaduwa da Afrika CDC ta sha alwashin yi wa kashi 30 bisa 100 na mutanen nahiyar riga-kafin nan da watan Disambar 2021. (Ahmad Fagam)