A wasan karshe na gasar alkahura cikin ruwa na maza na tsayin mita 10 da aka yi a yau Asabar a wajen gasar Olympics dake gudana a birnin Tokyo na kasar Japan, dan wasan kasar Sin Cao Yuan ya samu lambar yabo ta zinari, al’amarin da ya sa kawo yanzu ‘yan wasannin kasar Sin suka samu lambobin yabo na zinari guda 38 a wajen Olympics na bana. Dan wasan kasar na daban Yang Jian ya samu lambar yabo ta azurfa.

‘Yan wasan gasar alkahura cikin ruwa na kasar Sin sun kammala dukkan gasanninsu 8, inda suka samu lambobin yabo na zinari 7 tare da na azurfa 5. (Murtala Zhang)