Rukunin farko na sojojin kasar Kenya da ya yi aiki cikin tawagar wanzar da zaman lafiya a kasar Sudan ta Kudu ya isa a ranar Laraba a birnin Nairobi bayan umurnin da shugaban kasa Uhuru Kenyatta ya bayar na da su janye. Kasar Kenya ta bayyana a makon da ya gabata cewa za ta janye dakarunta bayan da wani binciken MDD ya zargi tawagar UNIMISS da rashin mayar da martani kan wani hari a wani ginin Otel din dake Juba a yayin tashe tashen hankalin da suka barke a cikin watan Yuli. Haka kuma an dakatar da Laftanal janar Johnson Ondieki daga aikinsa. (Maman Ada)