2020-03-27 10:59:39        cri

Shugaban Afrika ta Kudu, Cyril Ramaphosa, ya ce kasashen G20 sun amince su bullo da wata ingantacciyar hanyar magance tasirin cutar COVID-19, kan harkokin tattalin arziki da zamantakewa.

Cyril Ramaphosa ya bayyana haka ne a jiya, bayan taron da suka yi na shugabannin kasashen G20, dangane da cutar COVID-19.

Ya ce yana ganin za a aiwatar da matakan da aka dauka nan bada jimawa ba. Inda ya ce akwai bukatar a yaki cutar tare da ceton rayukan jama'a da tallafawa kasashen dake cikin mawuyacin hali da kuma sanya bukatun nahiyar Afrika a kan gaba. Ya ce a matsayinsu na nahiyar Afrika, sun yi kira ga Kasashen G20 su taimaka musu, ta yadda kasashen nahiyar za su mayar da hankali wajen yaki da cutar. (Fa'iza Mustapha)