2020-02-19 10:50:44        cri

Ma'aikatar kasuwanci ta kasar Sin, ta ba da wata sanarwa a jiya Talata, inda ta nemi wurare daban-daban a kasar, da su inganta cinikin shige da fice, da kuma ba da tabbaci ga jarin ketare, sannan kuma su ingiza aikin saye da sayarwa.

Sanarwar ta kuma nemi a daidaita, da sa kaimi ga hanyar farfado da ayyuka, da tallafawa cinikin shige da fice da jarin ketare, kana kamfanoni daban-daban da su farfado da ayyukansu yadda ya kamata, har ma da sa kaimi ga manyan ayyuka dake da alaka da shawarar "ziri daya da hanya daya".

Dadin dadawa, sanarwar ta nuna cewa, kamata ya yi, a tafiyar da doka da shari'a, dangane da ciniki cikin gida, hadda dokar shigo da jarin ketare da sauransu, don baiwa kamfanoni masu jarin waje taimako na yin amfani da manufofi yadda ya kamata wajen tinkarar annoba. Sanann kuma, kamata ya yi a kafa tsarin magance annoba cikin sauri a ketare, don ba da taimako ga kamfanonin Sin dake ketare. (Amina Xu)