Hukumar kwastam ta kasar Sin ta ce harkokin cinikayya na kasar a ketare ya samu ci gaba a cikin watanni 10 na farkon bana, ta hanyar fadada da kaso 2.4 a kan na makamancin lokacin a bara.

Hukumar ta ce a cikin wannan lokaci, yawan harkokin cinikayyar kasar Sin a ketare ya kai Yuan triliyan 25.63, kwatankwacin dala triliyan 3.67.

Kididdigar da hukumar ta fitar ta nuna cewa, yawan kayayyakin da ake fitar su daga kasar zuwa ketare ya karu zuwa kaso 4.9 yayin da wadanda ake shigo da su kasar daga ketare, ya sauka da kaso 0.4.

Kasar Sin ta samu rarar cinikayya da ya kai kaso 42.3 a kan na bara, zuwa Yuan triliyan 2.35 a cikin watannin 10. (Fa'iza Mustapha)