CRI ONLINE HAUSA

MDD ta bukaci a gaggauta daukar matakin kare annobar farin dango a yankin kahon Afrika

2020-02-11 09:46:30 cri

MDD ta bukaci al'ummomin kasa da kasa su gaggauta daukar matakan da za su taimaka wajen kare annobar farin dango a kahon Afrika, yayin da lokaci ke kurewa kasashen yankin, a kokarin su na shawo kan kutsen kwarin.

Mataimakin sakatare janar na MDD kan ayyukan jin kai, Mark Lowcock, ya shaidawa manema labarai jiya a hedkwatar majalisar dake birnin New York cewa, barazanar farin a yankin kahon Afrika babban kalubale ne.

Ya ce akwai mutane miliyan 30 a kasashen da batun ya shafa, da suka hada da Habasha da Kenya da Somalia, wadanda kuma ke cikin tsananin rashin wadatar abinci. Yana mai cewa a yanzu, mutane miliyan 10 na wuraren da farin suka shiga.

Mark Lowcock, ya ce idan har ba a dauki mataki cikin makonni 3 zuwa 4 masu zuwa ba, za a fuskanci matsala mai tsananin gaske. (Fa'iza Mustapha)

Labarai masu Nasaba

Ga Wasu

v Kasar Sin ta yabawa goyon bayan da take samu daga MDD wajen yaki da cutar Corona 2020-02-08 20:01:44
v Jami'in MDD zai halarci taron kolin AU mai take kawar da karar bindiga 2020-02-06 11:42:54
v Babban jami'in MDD ya bukaci a gaggauta tsakaita bude wuta a arewa maso yammacin Syria 2020-02-02 19:43:52
v Kwamitin Sulhu na MDD ya sabunta takunkumansa kan Jamhuriyar Afrika ta Tsakiya 2020-02-01 16:50:03
v Sin ta ce ya kamata kwamitin sulhu na MDD ta dage takunkuman da ta kakabawa Jamhuriyar Afrika ta Tsakiya 2020-02-01 16:45:40
v Sakatare janar na MDD ya bayyana cikakken goyon bayansa ga kasar Sin a kokarinta na kawar da annobar da ta barke 2020-01-28 16:28:35

• 201111-yamai1	• 201110-yamai1
• 201109-yamai1	• 201108-yamai1
More>>