Mai magana da yawun ofishin majalissar gudanarwar gwamnatin tsakiyar kasar Sin game da yankunan Hong Kong da Macau Yang Guang, ya yi tir da harin da masu zanga-zanga suka kaddamar kan 'yan sandan Hong Kong.

Yang Guang ya yi Allah wadai da mummunan aikin harba bam da aka hada da fetur kan 'yan sanda, wanda hakan ya haifar da jikkatar wasu daga jami'an 'yan sandan yankin.

Ya ce, "muna matukar nuna bacin ranmu, da Allah wadai bisa wannan danyen aiki, kuma mummunan laifi da aka aikata". A hannu guda kuma ya yi fatan samun sauki ga 'yan sandan da suka ji raunuka. (Saminu)