Abdel-Fattah al-Sisi ya bayyana jiya, yayin kaddamar da wasu jerin ayyukan raya kasa a birnin Ismailia dake kusa da mashigin ruwan Suez da wasu a yankin Sinai dake makwabtaka da yankin cewa, rawar da sojoji ke takawa cikin irin wadancan ayyuka in ma akwai, to ita ce sa ido da kula da ayyukan.
Ayyukan sun hada da hanyoyin karkashin kasa a mashigin ruwan Suez da sabon birnin Ismailia da sabuwar cibiyar samar da ruwan sha ta birnin da sabon tafkin kamun kifi da hanyoyin da masu yawon bude ido za su bi a wajen tafkin da sabuwar kasuwar kifi da gadar da ta ratsa cikin ruwa da sauransu.
Shugaban ya kara da cewa, sojojin na kokarin tabbatar da an gudanar da ayyukan cikin lokacin da aka kayyade bisa tsarin raya kasa na kasar. yana mai cewa suna bukatar hukumar da za ta tabbatar da gudanar aikin a kan lokaci. (Fa'iza Mustapha)
