Hukumar kiyaye tsaro ta farin kaya ta kasar Nijeriya ta tabbatar a yau cewa, kungiyar 'yan banga da wasu tsageru sun yi musayar wuta a jihar Zanfara dake arewa maso yammacin kasar Nijeriya, wadda ta haddasa mutuwar mutane a kalla 50.

Wani jami'in hukumar ya bayyanawa kamfanin dillancin labaru na Xinhua cewa, an yi musayar wuta ne a ranar 2 ga wata, bayan kungiyar 'yan banga ta yankin Kaura Namoda dake jihar Zanfara ta samu labari cewa, akwai wasu tsageru da suka taru a dajin dake dab da yankin. Daga baya kungiyar ta tura wasu membobinta da kuma wasu jama'a zuwa wurin, inda suka yi musayar wuta.

A wannan rana kuma, shugaban majalisar dokokin jihar Zanfara Sanusi Rikiji ya yi kira ga kungiyar 'yan banga da ta taimakawa ga hukumar tsaron ta farin kaya, domin kada a dauki matakan murkushe tsagerun daga bangare daya ba. (Zainab)