Kakakin ma'aikatar harkokin wajen kasar Sin Lu Kang ya bayyana a gun taron manema labaru da aka gudanar a yau Laraba cewa, Sin za ta halarci taron binciken rahoton hakkin dan Adam na Sin zagaye na uku na majalisar hakkin dan Adam ta MDD a ranar 15 ga wannan wata.

Lu Kang ya bayyana cewa, Sin ta dora muhimmanci kan aikin binciken rahoton hakkin dan Adam, za kuma ta tura tawagarta wadda mataimakin ministan harkokin wajen kasar Sin Le Yucheng zai jagoranta, wadda za ta kunshi wakilan hukumomin gwamnatin kasar da na yankunan Xinjiang, da Tibet, da Hong Kong, da Macau don halartar taron. Sin za ta yi bayani game da bin shawarwarin da kasa da kasa suka gabatar a gun taron binciken rahoton a watan Nuwanba na bara, tare da yin mu'amala da bangarori daban daban da abun ya shafa. (Zainab)