in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
Masu amfani motocin haya ta intanet a kasar Sin ya kai miliyan 330
2019-03-11 11:25:43 cri
Alkaluman kididdiga na nuna cewa, ya zuwa watan Disamban shekarar 2018 da ta gabata, yawan masu amfani da motocin haya ta intanet a kasar Sin ya kai miliyan 330, karuwar kaso 15.1 cikin 100 bisa shekarar da ta gabata ce.

Rahotan wadda cibiyar watsa labaran Intanet ta kasar Sin ta fitar, ya nuna cewa, an samu bunkasuwar wannan sashe a kasar Sin, kuma ya zuwa watan Oktoban shekarar 2018, an baiwa sama da kamfanoni 100 iznin tafiyar da hidimar motocin haya ta intanet a wasu biranen kasar.

Rahotan ya kara da cewa, wannam bangaren yana samun karuwar motoci masu amfani da sabbin makamashi da ke amfani da wutar lantarki kai tsaye ko kalilan, inda ake fatan daina amfani da motocin dake amfani da tsoffin makamashi.

Bugu da kari, ana kara daukar matakan inganta dokokin tafiyar da hidimar motocin haya ta intanet da kare lafiya da muradun fasinjoji.(Ibrahim)

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China