Za a kaddamar da taro na biyu na majalisar wakilan jama'ar kasar Sin karo na 13 a ranar 5 ga watan Maris, da kuma taro na biyu na majalisar bada shawara kan harkokin siyasa ta jama'ar kasar karo na 13 a ranar 3 ga watan Maris a nan birnin Beijing. A jiya Laraba aka bude cibiyar watsa labaru ta tarrukan biyu a hukunce, inda za a samar da hidima ga 'yan jarida na ciki da wajen kasar Sin wadanda za su watsa labaru game da tarrukan biyu. Don tabbatar da ayyukan 'yan jaridan na yin tattaunawa, da gabatar da labarai, da watsa labaru yadda ya kamata, an kafa dakin sadarwa na yanar gizo a cibiyar, kana an samar da fasahar 5G a karo na farko. (Zainab)
