Firaministan kasar Sin Li Keqiang ya ce la'akari da yadda samun aikin yi ya kasance wani abu ne mafi muhimmanci ga kowane iyali, dole ne dukkan gwamnatoci a matakai daban daban da ma'aikatan gwamnati, su mai da hankulansu kan batun samar da guraben aikin yi ga al'umma. Li Keqiang da ya bayyana haka wani taron manema labaru da aka shirya a yau Talata a nan Beijing, ya ce burin da gwamnatin kasar Sin take da shirin cimmawa a bana shi ne, jajircewa wajen samar da guraben aikin yi ga mutane a kalla miliyan 11. (Sanusi Chen)