Jami'in kula da tashoshin jiragen ruwa dake bakin tekun Bahar Maliya na kasar Masar, Aymn Salih, ya sanar a jiya Alhamis cewa, za a sake bude hanyar zirga-zirgar jiragen ruwa da ta hada Port Tewfik na kasar Masar da Jeddah na kasar Saudiya.
An datse hanyar zirga-zirgar jiragen ruwan ne a shekarar 2006, bayan wani babban jirgin ruwa mai taken "Salam 98" ya nutse cikin Bahar Maliya, tare da haddasa asarar rayuka fiye da 1000. An ce, sake bude hanyar za ta samar da dimbin guraben ayyukan yi, gami da saukaka aikin ciniki. (Bello Wang)
