A jiya ne, hukumar zartaswar koli ta kasar Libya ta yi gargadi game da hanzarin shirya kuri'ar raba gardama kan kundin tsarin mulkin kasar, matakin da ta ce zai iya haifar ga kalubale ga kundin tsarin mulkin kasar.

Hukumar ta bayyana cikin wata sanarwa cewa, yanzu haka ana tattaunawa a kan daftarin kundin tsarin mulkin kasar. Sanarwar hukumar dai na zuwa ne bayan da shugaban hukumar zaben kasar Imad Al-Sayah ya sanar da cewa, za a shirya kuri'ar raba gardama game da kundin tsarin mulkin kasar na din-din-din kafin karshen watan Fabrairun shekarar 2019 dake tafe. (Ibrahim)