Yau Litinin, aka bude bikin baje kolin kayayyakin da ake shigowa da su kasar Sin karo na farko wato CIIE a birnin Shanghai na kasar, shugaban kasar Xi Jinping ya halarci bude bikin, inda kuma ya gabatar da wani muhimmin jawabi.

Wannan bikin baje kolin na CIIE da shugaba Xi Jinping ya ba da shawarar shiryawa ya kuma kaddamar da shi a yau, ya kasance wani babban bikin baje koli na kasa dake dora muhimmanci kan shigo da kayyayaki na farko a duniya, burinsa shi ne samarwa kasashe daban daban wani dandamali wajen amfani da damar ci gaban kasar Sin, da zurfafa hadin kai a fannonin tattalin arziki da cinikayya tsakanin kasa da kasa, da kuma tabbatar da samun wadata tare, shi ne kuma wani hakikanin aiki da Sin ta dauka wajen bude kofa a fannin tattalin arzikin duniya, da goyon baya kan dunkulewar tattalin arzikin duniya baki daya. (Bilkisu)