Cikin sakonsa, shugaban ya ce, a wannan zamanin da ake ciki jama'ar duniya suna rungumar zaman lafiya, ci gaba, hadin gwiwa, da samar da moriya ga juna, haka kuma ana kokarin daidaita tsare-tsaren kula da al'amuran duniya. A wannan lokaci ana ci gaba da fuskantar wasu kalubaloli a fannin tsaro, sai dai kasar Sin za ta tsaya kan manufarta ta hadin gwiwa, da kara bude kofa ga kasashen waje, don tabbatar da gina wata al'ummar duniya mai kyakkyawar makoma irin ta bai daya. (Bello Wang)