in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
Wakilin kasar Sin ya yi kira ga kasasehn duniya da su ci gaba da martaba tsarin kasancewar bangarori daban-daban
2018-10-12 09:35:24 cri
Shugaban sashen takaita makamai na ma'aikatar harkokin wajen kasar Sin Fu Cong, ya yi kira ga kasashen duniya da su ci gaba da martaba tsarin kasancewar bangarori daban-daban da dokokin kasa da kasa da ma akidun juna don samun cikakken tsaro a duniya.

Fu Cong wanda ya bayyana hakan yayin da yake jawabi a taron kwamitin farko na babban taron MDD, ya ce tsarin kasancewar bangarori daban-daban shi ne mafi dacewa wajen warware duk wani kalubale da takaddama tsakanin kasashen duniya. Yana mai cewa, yanzu duniya na bukatar wannan tsari fiye da ko wane lokaci.

Jami'in na kasar Sin ya kara da cewa, wajibi ne kasashen duniya su martaba dokokin kasa da kasa kamar yadda bukatu da manufofin MDD suka tanada, a kokarin da ake na cimma ra'ayi guda, da samar da dauwamamman tsaro da warware bambance-bambance da takaddama ta hanyar shawarwari da tattaunawa, kana a martaba bukatun tsaron kowa ce kasa ta yadda daga karshe za a kai ga samun cikakken tsaro a duniya baki daya.(Ibrahim)

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China